10 oktyabr 2018-ci ildə Azərbaycan Türkiyə İş Adamları Birliyi İdarə Heyəti nümayəndələri Ağdam rayonunda olublar. Nümayəndə heyətinin tərkibində Azərbaycan Türkiyə İş Adamları Birliyinin sədri Camal Canqın, sədr müavini Avni Dəmirçi, İdarə heyyətinin üzvləri Rafiq Qarayev, Kaya Karslı və Birliyin baş katibi Pərvanə Hacıyeva olublar. Qonaqlar Ağdam rayon İcra Hakimiyyətində İcra Hakimiyyətinin başçısı cənab Vaqif Həsənovla görüşərək, səfərlərinin məqsədini bildiriblər. Qeyd ediblər ki, səfərin məqsədi rayonla və gələcəkdə rayonda salınması planlaşdırılan Sənaye Məhəlləsinin yeri ilə tanışlıqdan ibarətdir. Ağdam rayon İcra Hakimiyyətinin başçısı Vaqif Həsənov qonaqları salamlayaraq səfərləri üçün təşəkkürünü bildirib və onlara Ağdam rayonu haqqında geniş məlumat verib. Digər maraq doğuran məsələlər haqqında qarşılıqlı müzakirə aparıldıqdan sonra rayon ərazisində salınması planlaşdırılan Sənaye Məhəlləsinin yeri ilə tanış olublar.
Oxunub: 576
