Ağdam rayonu İcra Hakimiyyətinin Başçısı Vaqif Həsənov qısa vaxtda əhalinin rəğbətini qazana bilib. Xüsusən müharibə əlilləri, müharibə veteranları və şəhid ailələri Başçı kimi onun göstərdiyi fəaliyyəti alqışlayır və təqdir edirlər.
Bu yaxınlarda rəhmətə getmiş müharibə veteranı, qəhrəman döyüşçü Ramiz Quliyevin həyat yoldaşı Mehparə Quliyeva bizə müraciət edərək onun minnətdarlığını Ağdam rayon İcra Hakimiyyətinin Başçısı Vaqif Həsənova çatdırmamızı xahiş etdi. O, dedi: "Ailə başçısını itirdikdən sonra qızının işlə təmin edilməsiylə bağlı müraciət etdik və bizim vəziyyətimizi öyrənərək qızımın işlə təmin edilməsində Vaqif Həsənovun göstərdiyi diqqət və qayğını heç zaman görməmişəm. Bizim kimi qəlbi sınıq anaları tək qoymadığı üçün ailəmizin minnətdarlığını Ağdam rayon İcra Hakimiyyətinin Baıçısı Vaqif müəllimə çatdırmağınızı xahiş edirəm. Belə bir insanı bizə rəhbər təyin etdiyi üçün cənab prezidentimizə də minnətdarıq".
Xatırladaq ki, vaxtsız vəfat etmiş Ramiz Quliyev qəhrəman döyüşçülərdən olub. Qaçqın və Məcburi köçkünlərin işləri üzrə Dövlət Komitəsi bu ailənin adında Rusiyada yaşayan qohumunun evi olduğuna görə çörək pulunu və kommunal xərclərə görə kompensasiyalarını kəsib. Ailənin bir üzvü şəkər xəstəsidir. Bir övladı isə tələbədir. Ağdam rayonu İcra Hakimiyyətinin Başçısı Vaqif Həsənovun belə bir ehtiyacı olan ailəyə qyğı və diqqətlə yanaşmasını iftixarla qarşıladıq. Çünki bu cür örnək addımları prezident cənab İlham Əliyev məmurlara dönə-dönə tapşırıb.
Bir faktı da deyim ki, Vaqif Həsənov AVMVİB-nin Fəxri üzvü olduğuna görə bir daha fəxr etdik. Biz o veteran ailəsinin minnətdarlıqlarına qoşuluruq və çox minlik veteranlar adından öz minnətdarlığımızı bildiririk.
Və sadəcə deyirik: Yaxşı ki, yaxşılar var...
Elnur Səlim
