Azərbaycanın Türkiyədəki fövqəladə və səlahiyyətli səfiri Rəşad Məmmədov Türkiyədə müalicə olunan II Qarabağ Müharibəsi Qazilərini ziyarət edib.
YeniAN.az xəbər verir ki, səfir “Yaşat” fondunun dəstəyi ilə Türkiyənin İstanbul, Bursa və Kocaeli vilayətlərinin müxtəlif xəstəxanalarında müalicə olunan 38 qazinin səhhətləri, müalicə prosesi ilə yaxından maraqlanıb.
Qazilərin xalqımızın qüruru olduğunu bildirən səfir onlara təşəkkür edib, şəfalar diləyib, onlara müxtəlif hədiyyələr təqdim edib və qazilərlə xatirə şəkli çəkdirib.
Qeyd edək ki, qazilərimizin ziyarətində Azərbaycanın Türkiyədəki səfirliyinin hərbi attaşesi, polkovnik Müşfiq Məmmədov da iştirak edib.
Sevil
