Elm və təhsil naziri Emin Əmrullayev 5 Oktyabr - Beynəlxalq Müəllimlər Günü münasibətilə ilk müəllimini təbrik edib.
YeniAN.az saytı xəbər verir ki, sosial şəbəkə hesabında ibtidai sinif müəllimi ilə fotosunu paylaşan nazir ona öyrətdiklərinə görə təşəkkürünü bildirib:
"Gülzar müəllim - ilk müəllimim. Mənə ana dilimdə oxumağı və yazmağı öyrətmiş, vətən sevgisini aşılamış və ətrafda baş verənlərə laqeyd qalmamağı bir dəyər kimi formalaşdırmış insan!
Müəllimlər Günündə bir daha sizə təşəkkürümü bildirirəm, əziz və sevimli Gülzar müəllim! Bayramınız mübarək!”
Qeyd edək ki, nazir bu gün, həmçinin 150 minə yaxın müəllimin əlaqə nömrəsinə təbrik mesajı göndərərək xoş arzularını çatdırmışdı.
