Ermənistan-Azərbaycan münasibətlərinin normallaşması prosesi "yerdə" problemlərsiz gedə bilməz.
YeniAN.az xəbər verir ki, bunu Rusiya xarici işlər nazirinin müavini Mixail Qaluzin "İzvestiya"ya müsahibəsində bildirib.
Onun sözlərinə görə, hər şeydən öncə, məhz Prezident Vladimir Putinin səyləri sayəsində o zaman qaynar münaqişəni söndürməyə nail olunub.
"Rusiya, Azərbaycan və Ermənistan liderlərinin 9 noyabr 2020-ci il tarixli bəyanatında atəşkəsdən və Ermənistan-Azərbaycan münasibətlərinin normallaşması istiqamətində hərəkətin başlanmasından və sülhməramlı kontingentin yerləşdirilməsindən söhbət gedir. Burada söhbət dörd əsas sahədə dialoq vasitəsilə irəliləyişdən gedir. Bunlar regionda nəqliyyat və iqtisadi əlaqələrin açılması, Ermənistan və Azərbaycan arasında sülh müqaviləsinin bağlanması məqsədi ilə dialoq, iki ölkə arasında sərhədin delimitasiyası və ictimai və parlamentlərarası xətlər vasitəsilə əlaqələrin qurulmasıdır. Hansı ki, bunlarsız ikitərəfli münasibətlərin tam normallaşmasından danışmaq çətindir. Nizamlamanın əsas elementləri, yəni atəşkəs və Ermənistan-Azərbaycan münasibətlərinin normallaşması istiqamətində hərəkətin əsas istiqamətlərinin formalaşdırılması, bütün bu prinsiplər yalnız Rusiya və onun Prezidentinin vasitəçilik missiyası sayəsində formalaşdırılıb və həyata keçirilməyə başlanıb. Bu, özlüyündə artıq mühüm nailiyyətdir", deyə rusiyalı diplomat vurğulayıb.
Qaluzin qeyd edib ki, bütün bu illər ərzində Rusiya dörd sahədə konkret əməli səylər göstərməyə çalışıb və onların hər birində ciddi potensial və gələcək irəliləyiş üçün əsaslar yaradılıb.
"Anlaşılandır ki, Qarabağda və onun ətrafında baş verənlər kimi köhnəlmiş və həssas münaqişə vəziyyətlərinin həlli, əgər hadisələrə real baxsanız, "yerdə” problemlərsiz gedə bilməz".
