Fransa Prezidenti Emmanuel Makron yeni növ koronavirus (COVID-19) infeksiyasına yoluxub.
APA-nın TASS-a istinadən verdiyi xəbərə görə, bu barədə Yelisey sarayının yaydığı məlumatda bildirilib.
Qeyd olunub ki, Fransa Prezidentinin koronavirus testinin nəticəsi pozitiv çıxıb.
Fransanın dövlət başçısı növbəti 7 gün ərzində özünü təcrid edəcək.
“Prezidentə COVID-19 diaqnozu qoyulub. Hamı üçün tətbiq olunan mövcud sanitariya qaydalarına uyğun olaraq, dövlət başçısı 7 gün ərzində təcrid olacaq. O, çalışmağa davam edəcək və fəaliyyətlərini uzaqdan həyata keçirəcək”, - məlumatda bildirilir
YeniAN.info
