Sabahdan Ramazan ayı başlayır. Ramazan İslam aləmində on bir ayın sultanı olaraq adlanır.
YeniAN.az məlumat verir ki, QMİ -sədrinin müavini Fuad Nurullayev bildirib ki, Qafqaz Müsəlmanları İdarəsinin hazırladığı Ramazan ayının xüsusi təqvimi Bakı və Abşeron şəri vaxt ölçüsünə uyğun tərtib edilib.
Bu axşam isə niyyət axşamıdır.
Müqəddəs Ramazan ayı ərzində iftar süfrələri açmaq, yardım və xeyriyyəçilik etmək, ehtiyacı olanlara, kimsəsiz insanlara, uşaq evlərinə, ahıl və qocalara imkan daxilində köməklik göstərmək bəyənilən əməllərdəndir.
QMİ -sədrinin müavini deyib ki, bəzi hallarda yaşlı və ya xəstə insanlar oruc tuta bilmirlər. Belə olan halda onlara bir sıra vəzifələr vacib olur.
Orucun mühüm əməllərindən biri olan fitrə zəkatının vaxtı Ramazan ayının son günüdür. Adambaşına 5-10 manat arası fitrə zəkatının verilməsi məsləhət görülür. Fitrə canın sədəqəsidir və imkanı olan müsəlman ailəsinin hər bir üzvü üçün fitrə zəkatı çıxarması, imkansızlara, ehtiyacı olan ailələrə verilməsi vacibdir.
