"Apple” korporasiyası "A17 Pro” prosessoru və "Apple Intelligence” süni intellekt texnologiyası ilə təchiz edilmiş "iPad Mini” planşetinin yenilənmiş versiyasını təqdim edib.
YeniAN.az xəbər verir ki, bu barədə şirkətdən məlumat yayılıb.
Bildirilib ki, yeni cihazın "Liquid Retina” ekranı 8,3 düyüm diaqonallıdır. Korpusu təkrar emal olunmuş materiallardan hazırlanan cihaz 12 meqapiksellik geniş bucaqlı arxa kameraya malikdir və "Wi-Fi 6E”ni dəstəkləyir.
Yeni model dörd rəngdə satışa çıxarılacaq və onun başlanğıc qiyməti 499 dollar olacaq.
Artıq 29 ölkədə yeni məhsul üçün ilkin sifarişlər qəbul edilir.
