Milli Paralimpiya Komitəsinin güllə atıcılığı üzrə yığmasının üzvləri Almaniyanın Hannover şəhərində keçirilən beynəlxalq turnirdə daha bir medal qazanıblar.
Komitənin mətbuat xidmətinin yaydığı məlumata görə, kişilərdən ibarət komanda yarışında iştirak edən Kamran Zeynalov, Rafiq Əliyev və Rəşad İmaməliyev pnevmatik tapançadan 10 metrə atəşdə gümüş medala yiyələniblər.
Eyni zamanda, Rafiq Əliyev yüksək nəticə göstərərək, dünya çempionatına lisenziya qazanıb.
Qeyd edək ki, turnir 17-29 sentyabr tarixlərində Perunun paytaxtı Limada keçiriləcək dünya çempionatında iştirak üçün lisenziya qazandırır.
