“Biz özümüzü aldatmamalıyıq ki, dünya oyunçuları Ermənistanı düşünür və bizə kömək edir”. Publika.az xəbər verir ki, bu barədə erməni siyasi şərhçi K.Ambartsum deyib.
Erməni şərhçi Azərbaycan Prezidenti İlham Əliyevin Türkiyə, Azərbaycan və Gürcüstanın müdafiə sənayesində üçtərəfli memorandumu təsdiq etməsini xatırladıb və qeyd edib ki, Tbilisi İrəvanla mehriban münasibətlər qursa da, Bakını açıq şəkildə dəstəkləyir.
“İsrail heç nə gizlətmədən ən güclü və müasir silahları Azərbaycana satır. Ermənistanın müttəfiqi olan Rusiya Azərbaycanın istədiyi silahı verir. Bunlar azmış kimi ABŞ da Azərbaycana silah satır. (Azərbaycanın yeni əldə etdiyi ABŞ istehsalı olan “Bell” helikopterləri nəzərdə tutulur - red.). Bu günlərdə ABŞ-ın Ermənistandakı səfiri ərazilərin qaytarılmasıın vacib olduğu çağırışını etdi. Hər kəs, bizim ümid etdiyimiz dünya gücləri Ermənistana arxa çevirir və Azərbaycana açıq dəstək verirlər”, - deyə erməni şərhçi qeyd edib.
