Qaraheybət təlim mərkəzində Heydər Əliyev adına Azərbaycan Ali Hərbi Məktəbinin kursantlarının bütün ixtisaslar üzrə intensiv hazırlığı davam edir.
Müdafiə Nazirliyinin mətbuat xidmətindən AZƏRTAC-a bildiriblər ki, təlimlərdə şəxsi heyət mərhələlərlə zirehli döyüş maşınlarının çətin keçilən ərazilərdə idarə olunması, eləcə də zirehli texnikaların ştat silahından və artilleriya qurğularından praktiki döyüş atışları icra edir.
