Qazaxıstan mediasındakı məlumatlara görə, 29 yaşlı Aysultan Nazarbayevin ölümünə ürəkdayanma səbəb olub.
YeniAN.info BBC-yə istinadən xəbər verir ki, Aysultan Nazarbayevin ölümünün digər təfərrüatları hələlik açıqlanmır.
Aysultan Nazarbayev Qazaxıstanın sabiq prezidentinin böyük qızı Dariqa Nazarbayevanın və Nursultan Nazarbayevin etimadını itirmiş, onun mərhum kürəkənii Rahat Əliyevin ortancıl oğludur.
2017-ci ildə Aysultan Qazaxıstan Futbol Federasiyasında işləyib, bu ilin avqustun 26-da onun 30 yaşı tamam olcaqdı.
Ötən ilin oktyabrında o, narkotik maddələrin təsiri altında polisə müqavimət göstərdiyi və əməkdaşlardan birini vurub, dişlədiyi üçün London məhkəməsi tərəfindən məhkum edildi.
Aysultan Nazarbayevə o vaxt şərti bir cəza müddəti kəsildi: o cərimələndi və narkotik asılılığından müalicəni davam etdirməyə boyun oldu.
İstintaqın materiallarına görə, Aysultan Nazarbayev kokain qəbul edirdi.
Aysultan Nazarbayev hələ 2017-ci ildə özünün Facebook səhifəsində bildirmişdi ki, o, atası Rahat Əliyevin ölümündən sonra narkotik maddələrdən istifadə edib.
Nursultan Nazarbayevin kürəkəni Rahat Əliyev, Qazaxıstandan Avstriyaya qaçandan sonra rəsmi versiyaya görə, orada həbsxanada intihar edib.
Bu ilin fevral ayında Aysultan Nazarbayevin Facebook səhifəsində (bu səhifənin onun özünə məxsus olub-olmaması yoxlanılmayıb) bildirilmişdi ki, o, Britaniya hökümətindən siyasi sığınacaq istəyib.
Həmin postda Aysultanın qohumları ilə münasibətlərinin, onların "xəsisliyi və acgözlüyü" səbəbindən, pis olduğu yazılmışdı. Yazıda eləcə də anası ilə də onun əlaqələrinin pis olduğu və Qazaxıstan qazının Rusiyaya güman edilən korrupsiya sxemi vasitəsi ilə satılması qeyd olunmuşdu.
YeniAN.info
