Almaniyanın İqtisadi Əməkdaşlıq üzrə Federal Nazirliyi Fələstindəki inkişaf layihələrinin maliyyələşdirilməsini dayandıracaq, Almaniya Xarici İşlər Nazirliyi isə regiona humanitar yardım göstərməyə davam edəcək.
YeniAN.az xəbər verir ki, bunu Almaniyanın inkişaf naziri Senya Şults bəyan edib.
Nazir qeyd edib ki, Berlin bu çərçivədə İsrail tərəfi ilə regionda sülhün təşkilinin kombinasiyasını, Fələstinlə bağlı inkişaf layihələrinin İsrailin təhlükəsizliyinə təsirini müzakirə edəcək.
Onun sözlərinə görə, nazirlik 2023 və 2024-cü illər üçün su təchizatı, yerli əhalinin təhsili və iş yerlərinin yaradılması ilə bağlı layihələrin maliyyələşdirilməsi üçün təxminən 125 milyon avronu təsdiqləyib.
