"Bu gün Türkiyədə baş verən zəlzələnin Azərbaycana təsiri yoxdur”.
Bunu Obyektivxeber.info-a açıqlamasında Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin (RSXM) İnformasiya şöbəsinin müdiri Vüsalə Rafiqqızı bildirib.
Onun sözlərinə görə, bu hadisənin seysmoloji tərəfdən ölkəmizə təsiri olmayıb:
"Zəlzələ qeydə alınan yer Azərbaycandan kifayət qədər uzaqdır”.
Qeyd edək ki, Türkiyədə baş verən zəlzələdə ölənlərin sayı 76-ya çatıb. Hadisə zamanı 440 nəfər müxtəlif dərəcəli bədən xəsarətləri alıb.
Zəlzələnin ocağı Kahramanmaraş şəhərinin Pazarcık rayonu ərazisində, 7 km dərinlikdə olub.
Təbii fəlakət nəticəsində Diyarbəkir, Malatya, Osmaniye və Şanlıurfa əyalətlərində ciddi dağıntılar var.
