Sədərək rayonunda minik avtomobili yanıb.
YeniAN.az xəbər verir ki, yanğın Sədərək rayonunun Sədərək kəndində
qeydə alınıb.
FHN-in mətbuat xidmətindən bildirilib ki, məlumatla əlaqədar
Naxçıvan Muxtar Respublikası Fövqəladə Hallar Nazirliyi
Sədərək Rayon Dövlət Yanğından Mühafizə Hissəsinin qüvvələri
dərhal hadisə yerinə cəlb olunub.
Yanğınsöndürənlərin operativ müdaxiləsi sayəsində "Volqa” markalı minik avtomobilinin
mühərrik bölməsində baş vermiş yanğın qısa müddətdə söndürülərək
avtomobilin digər hissələrinə keçməsinə imkan verilməyib.
Yanğın nəticəsində avtomobilin mühərrik bölməsində bəzi detallar və sürücü
panelinin bir qismi yanıb. Avtomobilin qalan hissəsi yanğından mühafizə olunub.
