"Roma"nın futbolçusu Edin Dzeko İngiltərə Premyer Liqasına transfer oluna bilər.
Obyektivxeber.info "The Sun"a istinadən xəbər verir ki, "Vest Hem" Bosniya və Hersoqovina millisinin üzvünü heyətinə qatmaq istəyir. Məlumata görə, London klubu 33 yaşlı forvard üçün 25 milyon avro təklif edir.
İddialara görə, "Vest Hem"in baş məşqçisi Manuel Pelleqrini "Mançester Siti"də rəhbərliyi altında oynamış Dzeko ilə görüşərək onu razı sala bilib.
Qeyd edək ki, 2016-cı ildə "Mançester Siti"dən 11 milyon avroya "Roma"ya transfer olunan bosniyalı futbolçu cari mövsümdə kaeçirdiyi 33 oyunda 12 qol vurub və 8 məhsuldar ötürmə edib.
