Rusiya prezidenti Vladimir Putin Almaniya kansleri Olaf Şolz və İtaliyanın baş naziri Mario Draqi ilə telefon danışığında Rusiya qaz ödənişlərinin rublla ödənilməsi qərarı barədə məlumat verib.
YeniAN.az CNN Türk-ə istinadən bildirir ki, Qərb ölkələrinin Ukraynaya hücumları səbəbiylə Rusiyaya tətbiq etdiyi iqtisadi embarqolara cavab olaraq Rusiyaya idxal edilən təbii qaz üçün ödənişlərin rublla edilməsinə qərar vermişdi. Bu barədə Rusiya prezidenti Vladimir Putin Almaniya kansleri Olaf Şolzla telefon danışığında məlumat verib. Kremlin mətbuat xidmətindən verilən açıqlamada, “Vladimir Putin Almaniya kanslerine verdiyi qərarın mahiyyəti, xüsusən də Almaniyaya tədarük olunan qazın ödənişini rus rublu ilə həyata keçirmək barədə məlumat verdi. Bildirilib ki, ödəniş prosedurunun dəyişdirilməsinə Aİ ölkələrinin beynəlxalq hüquq normalarını pozaraq Rusiya Mərkəzi Bankının valyuta ehtiyatlarını dondurması səbəb olub.
Putinlə Şolzun İstanbulda Ukrayna məsələsini və danışıqları da müzakirə etdiyi bildirilib, “Vladimir Putin və Olaf Şolz ötən gün İstanbulda Rusiya və Ukrayna nümayəndələri arasında keçirilən danışıqların son raundu ilə bağlı fikir mübadiləsi aparıblar. Bundan əlavə, münaqişə zonalarından, xüsusilə Mariupoldan dinc əhalinin təhlükəsiz təxliyyəsinin təmin edilməsi məsələləri də müzakirə olunub.
Putin eyni məsələni Draghi ilə müzakirə edib
Almaniya kansleri Şolzla telefon danışığından sonra Putin İtaliyanın baş naziri Mario Draqi ilə də görüşüb və Rusiyanın qaz ödənişlərinin rublla ödənilməsi qərarı ilə bağlı məlumatları çatdırıb. Kremlin mətbuat xidmətindən verilən açıqlamada, “Rusiya prezidenti Vladimir Putin ilə İtaliyanın baş naziri Mario Draqi arasında telefon danışığı olub. Mario Draqinin xahişi ilə Vladimir Putin ötən gün Rusiya və Ukrayna nümayəndələri arasında İstanbulda aparılan danışıqların gedişi barədə məlumat verib. İtaliya da daxil olmaqla bir sıra ölkələrə təbii qaz tədarükü ilə bağlı ödənişlərdə rubla keçid qərarı ilə bağlı açıqlamalar verilib.
YeniAN.az
