Bakı və Abşeronda unun topdansatış qiyməti açıqlanıb.
Obyektivxeber.info xəbər verir ki, bu barədə Prezident yanında Antiinhisar və İstehlak Bazarlarına Nəzarət Dövlət Agentliyi məlumat yayıb.
Bildirilib ki, iyulun 7-nə Azərbaycanda un istehsalçılarının topdansatış məntəqələrində 50 kiloqramlıq un kisəsinin qiyməti 25.8-28 manat arasında dəyişib.
Həmçinin, bu göstərici ötən həftə ilə dəyişməyib.
O cümlədən, Bakı şəhərində və Abşeron rayonunda unun topdansatış qiyməti 26.5-27.3 manat arasında dəyişib. Minimum qiymət dəyişməz qalıb, maksimum qiymət isə 0.7% azalıb.
Ölkə üzrə unun ən aşağı topdansatış qiyməti Şabran rayonunda qeydə alınıb və 25.8 manat təşkil edib ki, bu da 1 həftə əvvələ nisbətən eynidir.
Ən yüksək qiymət isə Gəncə şəhərində müşahidə olunub - burada 50 kiloqramlıq un kisəsi 28 manata satılıb ki, bu da həftəlik müqayisədə eynidir.
