Türkiyənin Şanlıurfa əyalətinin Akçakale rayonu Suriyanın terrorçu PKK/YPG-PYD qruplaşmasının işğalı altında olan ərazisindən atəşə tutulub.
Virtualaz.org bildirir ki, bu barədə Türkiyənin NTV kanalı məlumat yayıb.
Qeyd olunub ki, insident nəticəsində azı 18 nəfər xəsarət alıb.
O da vurğulanıb ki, minaatanlardan açılan atəşlərin hədəfi inzibati binalar olub.
Xatırladaq ki, oktyabrın 9-da Türkiyə Ordusu Suriyanın şimal-şərqində əməliyyatlara başlayıb.