PSJ-nin sahibi olan Qətər kral ailəsi Avropada daha bir klub almaq istəyir.
Obyektivxeber.info xəbər verir ki, onlar bu dəfə İngiltərəyə göz dikib.
Amma onlar Premyer Liqadan yox, Çempionşipdən klub almaq istəyir. Məqsəd həmin klubu qarşıdakı illərdə Premyer Liqaya çıxarmaqdı. Kral ailəsinin hədəfindəki klublar da bəllidi: "Aston Villa", "Nottingem Forest" və "Queens Park Reyncers".
Qətər İdman Təşəbbüsləri 2011-ci ildə Nassir Əl-Xelafinin rəhbərliyi ilə PSJ-ni satın alıb və indiyə qədər kluba 800 milyon funt-sterlinqdən artıq pul xərcləyib.
