Novruz bayramı münasibətilə Bakı Şəhər Gənclər və İdman Baş İdarəsinin (BŞGİBİ) təşkilatçılığı ilə Bilgəh qəsəbəsindəki 11 saylı inteqrasiya təlimli internat məktəbində rəsm müsabiqəsi və əl işlərindən ibarət sərgi keçirilib.
BŞGİBİ-dən AZƏRTAC-a bildiriblər ki, tədbirdə Baş İdarənin gənclərlə iş sektorunun müdiri Zamin Əhmədov uşaqları bayram münasibətilə təbrik edib, Azərbaycanda internet məktəblərində təhsil alan uşaqların bilik və bacarıqlarının artırılmasına, istedadlarının üzə çıxarılmasına daim xüsusi diqqət yetirildiyini bildirib.
Sonra uşaqların əl işlərindən ibarət sərgiyə baxış keçirilib. İştirakçılar baş idarə tərəfindən diplom və xatirə hədiyyələri ilə mükafatlandırılıblar.
Oxunub: 245
