Rusiyanın Kemerov vilayətində mədən işçilərini daşıyan avtobus uçuruma düşüb.
Bu barədə “RİA Novosti” məlumat yayıb.
Hadisə nəticəsində altı nəfər həlak olub, 16 nəfər yaralanıb.Bütün yaralılar xəstəxanalara çatdırılıb: onlardan dördü reanimasiyaya yerləşdirilib, 12-nin vəziyyəti orta-ağırdır.
Yayılan informasiyaya görə, avtobus 40-45 metr yüksəklikdən uçuruma yuvarlanıb. Lakin İstintaq Komitəsinin yerli idarəsi hündürlüyün səkkiz metrdən çox olmadığını bildirib.
İnsidentlə bağlı cinayət işi açılıb. Avtobusun texniki vəziyyəti və sürücünün tibbi baxışdan keçirilib-keçirilmədiyi araşdırılacaq.
Oxunub: 251
