Yanvar-mart aylarında Azərbaycanın elektrik enerjisi ixracı artıb.
Dövlət Gömrük Komitəsindən (DGK) AZƏRTAC-a bildirilib ki, 3 ayda ölkədən 891 milyon 211 min kilovat/saat elektrik enerjisi ixrac olunub. İxrac olunan elektrik enerjisinin dəyəri 38 milyon 438 min ABŞ dolları təşkil edib.
Xatırladaq ki, keçən ilin müvafiq aylarında Azərbaycandan 700 milyon 236 min kilovat/saat elektrik enerjisi ixrac edilmiş, həmin ixracın dəyəri isə 33 milyon 907 min dollar olmuşdu.
