Çempionlar Liqasının 1/4 finalının cavab oyununda "Yuventus”u səfərdə 2:1 hesabıyla yenərək mübarizədən kənarlaşdıran "Ayaks” öz rekordunu təkrarlayıb.
Obyektivxeber.info-ın məlumatına görə, öz meydanında 1:1 hesablı bərabərliyə razılaşdığı "Yuve”ni Turində üstələyən Hollandiya təmsilçisi bu mövsüm vurduğu qolların sayını 155-ə çatdırıb. 2009/10 mövsümündə də bu sayda top vuran Amsterdam komandasının yaxın günlərdə yeni rekord müəyyənləşdirəcəyi şübhə doğurmur.
155 qoldan 106-nı Hollandiya elitasında rəqib qapılarından keçirən paytaxt klubu ölkə kubokunda 17, Çempionlar Liqasında 32 top vurub.
